الحق متمنمر
كتب د. حماده العنتبلي
تنتشر منذ الامسحملات تنمر بين الاسكندرانية والفلاحين على مواقع التواصل الاجتماعي ... الأول بيشهر بالثاني لانه غلبان وعلى سجيته وبيتصرف بعفوية وملابس البحر عنده متفرقش عن ملابسه الداخلية والثاني بيهاجم الاول علشان دعوات ومسيرات التكبير الليلي لمواجهة كورونا ... نسيو ان اللي بيحفل على الاسكندرانية اساسا هما القاهراوية .. واللي هما بيعتبروا الاسكندرانية فلاحين ... بالإضافة ان دول ودول دايما بيحفلوا على الصعايدة ... يعني من الاخر احنا شعب متنمر بطبعة كل واحد بيتريق على أخوة في عيب عنده .. على فكرة كل واحد لو جرب يشوف نفسه في صور قديمة او يقف امام المراية شوية مش بعيد يتنمر على نفسه ... ياجماعة بالله عليكم دي فترة المفروض نقف فيها جنب بعض ... اسكندراني .. قاهراوي .. فلاح .. صعيدي.. المهم حضرتك مصري وبنواجه الموت سوا ...
واعتقد اني مش محتاج اني اذكركم بواقعة في عهد الرسول صلى الله عليه وسلم... عندما تشاجر احد الانصار واحد المهاجرين فقال هذا ياللانصار .. وقال الاخر ياللمهاجرين.. فرد الرسول (ص) وقال "بدعوى الجاهلية وانا بين اظهركم ... دعوها فانها منتنة" ... على فكرة دي كانت واقعة تنمر بس وقتها كان اسمها تعصب قبلي ودي احد صور والتنمر .. والصور والمشاهد غيرها كتير ...
يبقى ياريت نقف جنب بعض ونبطل نحفل ونتنمر على بعض علشان نعيش عيشة فل ونموتش احنا الكل ... ارحمونا .. واستقيموا يرحمكم الله
بقلم د. حماده العنتبلي